കൊച്ചി: ചാരിറ്റി പ്രവര്‍ത്തനങ്ങളിലൂടെയും അവയവദാന ബോധവത്കരണങ്ങളിലൂടെയും ശ്രദ്ധേയനായ ഫാ.ഡേവിസ് ചിറമേലിന്റെ നേതൃത്വത്തിലുള്ള ചിറമേല്‍ ഫുഡ് പ്രോഡക്ട്‌സിന്റെ ഭക്ഷ്യോത്പന്നങ്ങള്‍ വിപണിയിലേക്ക്. ‘കാരുണ്യ’ ബ്രാന്‍ഡിലാണ് ഉത്പന്നങ്ങള്‍ അവതരിപ്പിക്കുന്നത്. മനുഷ്യാരോഗ്യത്തിനും പ്രകൃതിക്കും ദോഷകരമായ ഒന്നും കാരുണ്യ ഉത്പന്നങ്ങളില്‍ ഇല്ലെന്ന് ഉറപ്പു നല്‍കുന്നതായി ഫാ.ഡേവിസ് ചിറമേല്‍ പത്രസമ്മേളനത്തില്‍ പറഞ്ഞു. ഉപഭോക്താവിനോടും വിപണിയോടുമുള്ള ധാര്‍മ്മിക ബോധത്തോടെയാണ് ഇവ അവതരിപ്പിക്കുന്നത്. കുറഞ്ഞ വിലയും മികച്ച നിലവാരവും ഉറപ്പു നല്‍കുന്നു. കാന്‍സര്‍, കിഡ്നി രോഗങ്ങള്‍, ഹൃദ്രോഗികള്‍, ഭിന്നശേഷിക്കാര്‍, അന്ധര്‍ എന്നിങ്ങനെ കഷ്ടപ്പെടുന്നവര്‍ക്ക് സാന്ത്വനമേകാനായിരിക്കും ലാഭത്തിന്റെ മുഖ്യപങ്കും ഉപയോഗിക്കുക. […]

കൊച്ചി: ഡോ. ബോബി ചെമ്മണൂരിന് ഹ്യൂമന്‍ റൈറ്റ്‌സ് ഫൗണ്ടേഷന്‍സിന്റെ ഹ്യൂമന്‍ റൈറ്റ്‌സ് പുരസ്‌കാരം. എറണാകുളം ചാവറ കള്‍ച്ചറല്‍ സെന്ററില്‍ നടന്ന ചടങ്ങില്‍ മനുഷ്യാവകാശ കമ്മിഷന്‍ ചെയര്‍മാന്‍ ജസ്റ്റിസ് ആന്റണി ഡൊമനിക്, ലോകായുക്ത സിറിയക് ജോസഫ് എന്നിവര്‍ ചേര്‍ന്ന് പുരസ്‌കാരം സമ്മാനിച്ചു. ഹ്യൂമന്‍ റൈറ്റ്‌സ് ഫൗണ്ടേഷന്‍സ് ഫൗണ്ടര്‍ ചെയര്‍മാന്‍ പി.സി. അച്ചന്‍കുഞ്ഞ് അദ്ധ്യക്ഷത വഹിച്ചു. സംസ്ഥാന ജനറല്‍ സെക്രട്ടറി അനൂപ് സബര്‍മതി, അഡ്വ. ആന്റണി, ജസ്റ്റിസ് സി.എന്‍. രാമചന്ദ്രന്‍ നായര്‍, ജസ്റ്റിസ് കെ.പി. ബാലചന്ദ്രന്‍ നായര്‍ എന്നിവര്‍ സംബന്ധിച്ചു.