മലബാര് ഗോള്ഡില് മുന്കൂര് ബുക്ക് ചെയ്യാന് അവസരം
കോഴിക്കോട്: ഉപഭോക്താക്കള്ക്ക് സ്വര്ണവില കുറഞ്ഞുനില്ക്കുന്നതിന്റെ നേട്ടം കൊയ്യാന് സുവാര്ണാവസരമൊരുക്കി മലബാര് ഗോള്ഡ് ആന്ഡ് ഡയമണ്ട്സ്. സ്വര്ണവിലയുടെ പത്തു ശതമാനം മുന്കൂര് നല്കി മലബാര് ഗോള്ഡില് ബുക്ക് ചെയ്യാം. ഉപഭോക്താവിന് ബുക്ക് ചെയ്ത ദിവസത്തെ വിലയോ, സ്വര്ണം വാങ്ങുന്ന ദിവസത്തെ വിലയോ ഏതാണോ കുറവ് ആ വിലയ്ക്ക് സ്വര്ണം ലഭിക്കുമെന്നതാണ് നേട്ടം.
നിലവില് സ്വര്ണവില താഴ്ന്നു നില്ക്കുന്നതിനാലും ഭാവിയില് വില വര്ദ്ധിക്കാനാണ് സാദ്ധ്യത എന്നതിനാലും ഇപ്പോള് കുറഞ്ഞ വിലയ്ക്ക് മുന്കൂര് ബുക്ക് ചെയ്യാനുള്ള മികച്ച അവസരമാണ് മലബാര് ഗോള്ഡ് മുന്നോട്ടുവയ്ക്കുന്നത്. അന്താരാഷ്ട്ര വിപണിയിലെ വിലക്കുറവ്, രൂപയുടെ മൂല്യവര്ദ്ധന എന്നിവയാണ് നിലവിലെ സ്വര്ണവിലക്കുറവിന് കാരണം. ആഗോള സാമ്പത്തിക മാന്ദ്യം, വ്യാപാരയുദ്ധം എന്നിവയുടെ പശ്ചാത്തലത്തില് ഭാവിയില് സ്വര്ണവില ഉയരുമെന്നാണ് വിലയിരുത്തലുകള്.
