ഇന്ധനവില വീണ്ടും വര്ധിച്ചു; ഡീസലിന് 32 പൈസയും പെട്രോളിന് 25 പൈസയും ആണ് കൂടിയത്
ന്യൂഡല്ഹി: രാജ്യത്ത് ഇന്ധനവില ഇന്നും വര്ധിപ്പിച്ചു. ഡീസലിന് 32 പൈസയും പെട്രോളിന് 25 പൈസയും ആണ് ഇന്ന് കൂട്ടിയത്. തിരുവനന്തപുരത്ത് പെട്രോള് വില 104.91 ആയും ഡീസല് വില 98.04 ആയും ഉയര്ന്നു. കൊച്ചിയില് പെട്രോള് വില 102.85 രൂപയും ഡീസല് വില 96.08 രൂപയുമാണ്. കോഴിക്കോട് പെട്രോള് വില 103.16 ആയും ഡീസല് വില 96.37 ആയും ഉയര്ന്നു. 12 ദിവസം കൊണ്ട് പെട്രോളിന് 1.47 രൂപയും, ഡീസലിന് 2.60 രൂപയുമാണ് കൂട്ടിയത്.
പെട്രോള്, ഡീസല് വില ഏറ്റവും ഉയര്ന്നു നില്ക്കുന്ന രാജ്യങ്ങളിലൊന്നാണ് ഇന്ത്യ. വില കുറക്കാനായി കേന്ദ്രസംസ്ഥാന സര്ക്കാരുകള് ഈടാക്കുന്ന നികുതി കുറയ്ക്കണമെന്ന് ആവശ്യമുയര്ന്നിരുന്നു. വില കുറയാന് ജിഎസ്ടിയില് ഉള്പ്പെടുത്തണമെന്ന ആവശ്യവും ഉയര്ന്നു. എന്നാല് ഭൂരിപക്ഷം സംസ്ഥാനങ്ങളും എതിര്ത്തതോടെ പെട്രോളും ഡീസലും ജിഎസ്ടിയില് ഉള്പ്പെടുത്തേണ്ടെന്ന് കൗണ്സില് തീരുമാനിച്ചു.
