വെറുമൊരു ട്രെന്‍ഡ് മാത്രമാണോ ടാറ്റൂയിങ്. അല്ല, ചിലര്‍ക്കെങ്കിലും അതൊരു ഓര്‍മയാണ്. തന്റെ പ്രിയപ്പെട്ടവരുടെ ടാറ്റു ചെയ്യുന്നതിനോട് മലയാളികള്‍ക്കുള്ള താല്പര്യം ദിനംപ്രതി വര്‍ധിച്ചുവരികയാണ്. പ്രിയപ്പെട്ടവരുടെ പേര്, ചിത്രം, ഇഷ്ടപ്പെടുന്ന വാക്കുകള്‍, സ്വപ്‌നം തുടങ്ങി പല വിഷയങ്ങളും ഉടലെഴുത്തിന്റെ ഭാഗമായി ശരീരത്തില്‍ വരയ്ക്കപ്പെടുമ്പോള്‍ കേരളത്തില്‍ മാത്രം പ്രവര്‍ത്തിക്കുന്നത് 250ലധികം ടാറ്റൂ സ്റ്റുഡിയോകളാണ്. ഒരു വരുമാനമാര്‍ഗം എന്നതിലുപരി തന്റെ പാഷനും കരിയര്‍ ഇതാണെന്ന് തിരിച്ചറിഞ്ഞ് ഈ മേഖലയില്‍ പ്രവര്‍ത്തിക്കുന്ന നിരവധി ചെറുപ്പക്കാരുണ്ട്. അക്കൂട്ടത്തില്‍ ഒരാളാണ് തിരുവനന്തപുരം സ്വദേശി വിഷ്ണു ലാല്‍ ബാബു. […]