ഡോളറിനെതിരെ രൂപയുടെ മൂല്യം ആറാഴ്ചയിലെ ഉയര്‍ന്ന നിലവാരത്തില്‍. രാജ്യത്തെ ഓഹരി സൂചികകള്‍ മികച്ചനേട്ടമുണ്ടാക്കിയതും യുഎസ് ഡോളര്‍ ദുര്‍ബലമായതുമാണ് രൂപക്ക് നേട്ടമായത്. ഇതോടെ ഡോളറിനെതിരെ രൂപയുടെ മൂല്യം 74.10 നിലവാരത്തിലെത്തി. യൂറോക്കെതിരെയും രൂപ കുതിപ്പ് രേഖപ്പെടുത്തി. 87.98-87.95 നിലവാരത്തിലാണ് വ്യാപാരം നടന്നത്. രണ്ടാംദിവസവും ഓഹരി സൂചികകളില്‍ മികച്ചനേട്ടമാണുണ്ടായത്. ഇതാദ്യമായി സെന്‍സെക്സ് 54,000വും നിഫ്റ്റി 16,000വും കടന്നു.

ന്യൂഡല്‍ഹി: ആദായനികുതിദായകര്‍ക്ക് 67,401 കോടിരൂപയുടെ റീഫണ്ട് നല്‍കി വകുപ്പ്. ആദായനികുതി ഏപ്രില്‍ 1 മുതല്‍ ഓഗസ്റ്റ് 30 വരെയുള്ള കാലയളവിന് ഇടയിലാണ് തുക 24 ലക്ഷം നികുതിദായകര്‍ക്ക് കൈമാറിയത്. വ്യക്തിഗത, കോര്‍പ്പറേറ്റ് വിഭാഗങ്ങളിലായിട്ടാണ് തുക അനുവദിച്ചത്. 16,373 കോടി രൂപ ഇന്‍കം ടാക്സ് റീഫണ്ടായും 51,029 കോടി കോര്‍പ്പറേറ്റ് ടാക്സ് റീഫണ്ടായിട്ടുമാണ് അനുവദിച്ചത്.