തന്റെ സ്വപ്നങ്ങളെ ക്യാമറ കണ്ണുകളിലൂടെ സ്വന്തമാക്കിയ യുവാവ്
ചെറുപ്പം മുതല് ഫോട്ടോഗ്രാഫിയോട് പാഷനായിരുന്നു കൊച്ചി സ്വദേശിയായ ഗാരിക്ക്. വളര്ന്നപ്പോള് ഫോട്ടോഗ്രാഫിയോടൊപ്പം സിനിമ മോഹവും മനസില് കയറിപ്പറ്റി. അതുകൊണ്ടുതന്നെ മറ്റൊരു പ്രൊഫഷനെക്കുറിച്ച് ചിന്തിക്കാന് പോലുമാകില്ലായിരുന്നു ഗാരിക്ക്. അങ്ങനെ തന്റെ പാഷനെ പ്രൊഫഷനാക്കാന് തീരുമാനിച്ച ഗാരി ഏഴ് വര്ഷം മുമ്പാണ് സ്റ്റില് ഫോട്ടോഗ്രാഫറായി ഫീല്ഡിലേക്ക് എത്തുന്നത്.
കേവലം വിവാഹങ്ങളും ആഘോഷ പരിപാടികളും കവര് ചെയ്യുന്ന ഫോട്ടോഗ്രാഫര് ആകാനായിരുന്നില്ല ഗാരി ആഗ്രഹിച്ചിരുന്നത്. അതുകൊണ്ടുതന്നെ സിനിമ എന്ന തന്റെ തട്ടകത്തിലേക്ക് എത്താന് ഈ യുവാവ് നിരന്തരം പരിശ്രമിച്ചുകൊണ്ടേയിരുന്നു. അതിനിടയില് സെലിബ്രിറ്റികളുടെ ഉള്പ്പെടെ നിരവധി ഫോട്ടോഷൂട്ടുകളും റീല് വീഡിയോകളും ഷൂട്ട് ചെയ്ത് തന്റെ മികവ് തെളിയിക്കാന് ഗാരി ശ്രമിച്ചു.
ആദ്യ ചിത്രത്തിന് തന്നെ മികച്ച ഫോട്ടോഗ്രാഫര്ക്കുള്ള അവാര്ഡ് നേടിയെടുക്കാന് ഗാരിക്ക് സാധിച്ചു. സംവിധായകന് സിബി മലയിലിന്റെ കയ്യില് നിന്നാണ് തന്റെ ആദ്യ പുരസ്കാരം അദ്ദേഹം ഏറ്റുവാങ്ങിയത്. ഇപ്പോള് പുതിയ പ്രൊജക്ടുകള്ക്കായി കാത്തിരിക്കുകയാണ് ഈ യുവാവ്. ഇതിന് പുറമെ നിരവധി ഷോര്ട്ട് ഫിലിമുകളിലും പ്രവര്ത്തിച്ചിട്ടുണ്ട്.
ഓരോ ക്ലിക്കിലും തന്റേതായ കയ്യൊപ്പ് ചാര്ത്താന് ശ്രമിക്കുന്ന ഗാരി സെലിബ്രിറ്റി ഫോട്ടോഷൂട്ടുകളിലാണ് ഇപ്പോള് ശ്രദ്ധ കേന്ദ്രീകരിക്കുന്നത്. അതോടൊപ്പം നിരവധി റീല് വീഡിയോകളും ചെയ്തുവരുന്നുണ്ട്. ഫ്രീലാന്റ് ഫോട്ടോഗ്രാഫറായ ഗാരി ഷൂട്ട് ചെയ്ത നിരവധി ഫോട്ടോകളും വീഡിയോകളും ഇതിനോടകം സോഷ്യല് മീഡിയയില് വൈറലായിട്ടുമുണ്ട്. തന്റെ സ്വപ്ന മേഖലയായ സിനിമയില് വേരുറപ്പിക്കണമെന്ന ആഗ്രഹവുമായാണ് ഇപ്പോള് ഈ യുവാവ് മുന്നോട്ടുപോകുന്നത്. ഗാരിക്ക് എല്ലാ പിന്തുണയും നല്കി കുടുംബം കൂടെത്തന്നെയുണ്ട്.
ഫോണ്: 8891350918
