സക്സസ് കേരള മോസ്റ്റ് പ്രോമിസിംഗ് വുമൺ എൻട്രിപ്രണർ ഓഫ് ബ്യൂട്ടി ഇൻഡസ്ട്രി അവാർഡ് മായാ ജയകുമാറിന്.
പ്രമുഖ സംരംഭക മായ ജയകുമാറിന് സക്സസ് കേരള മോസ്റ്റ് പ്രോമിസിംഗ് വുമൺ എൻട്രിപ്രണർ ഓഫ് ബ്യൂട്ടി ഇൻഡസ്ട്രി അവാർഡ്. അന്താരാഷ്ട്ര വനിതാ ദിനത്തോടനുബന്ധിച്ച് സംഘടിപ്പിച്ച റൈസിംഗ് പ്രണേഴ്സ് എന്ന പരിപാടിയിൽ മ്യൂസിയം, ആർക്കിയോളജിക്കൽ വകുപ്പ് മന്ത്രി രാമചന്ദ്രൻ കടന്നപ്പള്ളി പുരസ്കാരം നൽകി ആദരിച്ചു.
ബിസിനസ് രംഗത്തെ സമഗ്ര പ്രവർത്തനങ്ങൾ മാനിച്ച് ബിസിനസ് എക്സലൻസ് സർട്ടിഫിക്കറ്റ് മുൻമന്ത്രിയും എംഎൽഎയും ആയ അഹമ്മദ് ദേവർകോവിൽ നൽകി.
മുൻ മന്ത്രി സുരേന്ദ്രൻ പിള്ള, കൗൺസിലർ പാളയം രാജൻ, കൗൺസിലറും മുൻ ഡെപ്യൂട്ടി മേയറുമായ അഡ്വ. രാഖി രവികുമാർ, കേരള ഫിനാൻഷ്യൽ കോർപ്പറേഷൻ ചീഫ് മാനേജർ സജിത ജി നാഥ്, എഴുത്തുകാരിയും നർത്തകിയും സാമൂഹ്യ പ്രവർത്തകയുമായ ജസീന്ത മോറിസ് എന്നിവർ പരിപാടിയിൽ പങ്കെടുത്തു.
വീഴ്ചകളെ വിജയത്തിലേക്കുള്ള പാതകളാക്കി സ്വന്തമായി ഒരു സംരംഭം എന്ന സ്വപ്നത്തിന് ചിറകുകൾ നൽകിയ വനിതയാണ് മായാസ് ബ്യൂട്ടി വേൾഡിന്റെ ഉടമ മായാ ജയകുമാർ. കഠിന പരിശ്രമം കൊണ്ട് മേക്കപ്പ് ആർട്ടിസ്റ്റുകൾക്കിടയിൽ തന്റെതായ സ്ഥാനം ഉറപ്പിച്ച വനിതാ സംരംഭക കൂടിയാണ് കോട്ടയം സ്വദേശിനി മായാ ജയകുമാർ.
