ദുബായ് സര്വ്വീസ് എക്സലന്സ് അവാര്ഡ് 2021; ചരിത്ര നേട്ടവുമായി ലുലു ഹൈപ്പര് മാര്ക്കറ്റ്
ദുബായ്: ചരിത്ര നേട്ടവുമായി ദുബായ് ലുലു ഹൈപ്പര് മാര്ക്കറ്റ്. 2021 വര്ഷത്തെ സര്വ്വീസ് എക്സലന്സ് അവാര്ഡ് യുഎഇയിലെ മുന്നിര റീട്ടെയിലറായ ലുലു ഹൈപ്പര് മാര്ക്കറ്റിന്. ഹൈപ്പര് മാര്ക്കറ്റ് മേഖലയില് എക്സലന്സ് അവാര്ഡ് നേടുന്ന ഏക ഹൈപ്പര് മാര്ക്കറ്റാണ് ലുലു. ഒരു വര്ഷം നീണ്ടു നില്ക്കുന്ന കര്ശനമായ നിരീക്ഷണത്തിലൂടെയാണ് അവാര്ഡ് ജേതാക്കളെ ദുബായ് എക്കണോമി കണ്ടെത്തുന്നത് .
ഉപഭോക്തൃ സേവനങ്ങള്, സ്ഥാപനങ്ങളിലെ സൂക്ഷ്മ പരിശോധന, മിസ്റ്ററി ഷോപ്പിങ്, ശുചിത്വം, സുരക്ഷ എന്നിങ്ങനെയുള്ള വിവിധ ഘട്ടങ്ങള് പിന്നിട്ടാണ് ജേതാക്കളെ വിലയിരുത്തുന്നത്. ദുബായ് ഡിപ്പാര്ട്ടമെന്റ് ഓഫ് എക്കണോമിയാണ് 2021 വര്ഷത്തെ അവാര്ഡ് ജേതാക്കളെ പ്രഖ്യാപിച്ചത്. ദുബായ് മാള്, റാക് ബാങ്ക് , അറേബിയന് ഓട്ടോ മൊബൈല്സ് എന്നിവരാണ് വിവിധ വിഭാഗങ്ങളില് ബഹുമതി കരസ്ഥമാക്കിയ മറ്റ് സ്ഥാപനങ്ങള്. .
