ശാസ്തമംഗലം ഗവ. എല്.പി.സ്കൂളിന് സ്കൂള് ബസ് കൈമാറി
തിരുവനന്തപുരം : വട്ടിയൂര്ക്കാവ് എം.എല്.എയുടെ ആസ്തി വികസന ഫണ്ടില് നിന്നും 16.80 ലക്ഷം രൂപ ചെലവഴിച്ച് ശാസ്തമംഗലം ഗവ. എല്.പി.എസിനായി വാങ്ങിയ സ്കൂള് ബസ് എം.എല്.എ അഡ്വ. വി.കെ പ്രശാന്ത് സ്കൂളിന് കൈമാറി. ബസിന്റെ ഫ്ലാഗ് ഓഫും എം.എല്.എ നിര്വഹിച്ചു. ബാര്ട്ടണ്ഹില് ഗവ. എഞ്ചിനീയറിംഗ് കോളേജ്, ജവഹര് ബാലഭവന്, സിമെറ്റ് കോളേജ് ഓഫ് നഴ്സിംഗ് എന്നീ സ്ഥാപനങ്ങള്ക്ക് ബസ് വാങ്ങുന്നതിന് ഫണ്ട് അനുവദിച്ചിട്ടുള്ളതായി എം.എല്.എ പറഞ്ഞു.
ശാസ്മംഗലം കൗണ്സിലര് മധുസൂദനന് നായര്, മുന് കൗണ്സിലര് അനന്തചന്ദ്രന്, തിരുവനന്തപുരം സൗത്ത് എ.ഇ.ഒ രാജേന്ദ്ര ബാബു, സ്കൂള് ഹെഡ്മിസ്ട്രസ് മുംതാസ്, പി.റ്റി.എ പ്രസിഡന്റ് അജയപ്രസാദ്, പി.റ്റി.എ ഭാരവാഹികളായ ഗോപിക മേനോന്, അഞ്ചു മോഹന്, സംഘാടക സമിതി അംഗങ്ങളായ ശശിധരന് എസ്, ആര്.എസ് കിരണ്ദേവ്, രാമന്കുട്ടി, അനില് കുമാര്, സ്കൂള് വികസന സമിതി അംഗങ്ങളായ ഗിരീശ് കുമാര് ഐ.എ.എസ്, സി.എസ് രതീഷ്, മുകുന്ദേശ്, രാജഗോപാല് എന്നിവര് പങ്കെടുത്തു.
