വിനോദയാത്രകളില്‍ അല്ലെങ്കില്‍ ദീര്‍ഘദൂരം സഞ്ചരിക്കുന്നവരുടെ എണ്ണം കൂടിയതോടെ സ്പാകളുടെ എണ്ണവും കുതിച്ചുയരുകയാണ്. സ്‌ട്രെസും സ്‌ട്രെയിനും ഒഴിവാക്കാനുള്ള വിവിധ സുഖചികിത്സ രീതികള്‍ ലഭ്യമാക്കുന്ന സ്പാകള്‍ മലയാളികള്‍ക്കിടയില്‍ മുഖ്യ ആകര്‍ഷണമായി മാറിക്കൊണ്ടിരിക്കുകയാണ്. ഇന്ന് ഒരു ഹോട്ടല്‍ തിരഞ്ഞെടുക്കുമ്പോള്‍ പോലും ആദ്യമായി നോക്കുന്നത് അവിടെ ആയുര്‍വേദിക് സ്പാ ഉണ്ടോ എന്ന് തന്നെയാണ്. ആയുര്‍വേദത്തിന്റെ നന്മകള്‍ പാശ്ചാത്യലോകത്തിനും ഇഷ്ടമാകുന്ന രീതിയില്‍ ഉപയോഗപ്പെടുത്തുന്നവയാണ് മിക്ക സ്പാകളും. ഇന്ത്യയിലേക്ക് പാശ്ചാത്യ ടൂറിസ്റ്റുകളെ എത്തിക്കുന്ന പ്രധാന ഘടകങ്ങളിലൊന്നാണ് ഇവ. ശരീരത്തിന് വിശ്രമം നല്‍കുന്നതിനൊപ്പം പോസിറ്റീവ് എനര്‍ജിയും നല്‍കുന്നു. […]