ആറ്റിങ്ങലിന് അന്താരാഷ്ട്ര ഷോപ്പിംഗ് അനുഭവം സമ്മാനിച്ച് രാജകുമാരി ഗ്രൂപ്പ്
ആറ്റിങ്ങലിന് അന്താരാഷ്ട്ര ഷോപ്പിംഗ് അനുഭവം സമ്മാനി ച്ച് രാജകുമാരി ഗ്രൂപ്പിന്റെ പുതിയ സൂപ്പര് മാര്ക്കറ്റ്, ഹൈപ്പര് മാര്ക്കറ്റ്, ബേക്കറി എന്നിവയുടെ ഷോറും പ്രവര്ത്തനമാരംഭിച്ചു. പൂര്ണ്ണമായും സര്ക്കാര് നിഷ്കര്ശിക്കുന്ന കോവിഡ് പ്രോട്ടോകോള് പാലിച്ച് കൊണ്ട് നടന്ന ചടങ്ങില് അഡ്വ. അടൂര് പ്രകാശ് എം.പി. ഷോറൂമുകളുടെ ഉദ്ഘാടനവും ആദ്യ വില്പന വാര്ഡ് കൗണ്സിലര് സന്തോഷും നിര്വഹിച്ചു.
അഡ്വ. സത്യന് എം.എല്.എ, ആറ്റിങ്ങല് നഗരസഭ ചെയര്മാന് എം പ്രദീപ്, തുടങ്ങിയ സാമൂഹിക സാംസ്കാരിക രംഗത്തെ പ്രമുഖര് ഓണ്ലൈന് വഴി ആശംസകള് അറിയിച്ചുകൊണ്ട് ഉദ്ഘാടന ചടങ്ങില് സാന്നിധ്യമറിയിച്ചു. രാജകുമാരി ഗ്രൂപ്പ് പ്രതിനിധികളും ചടങ്ങില് പങ്കെടുത്തു.
കോറോണ എന്ന മഹാവ്യാധി നിരവധി പേരുടെ ജീവിതം പ്രതിസന്ധിയിലാക്കിയിരിക്കുന്ന സാഹചര്യത്തില്, രാജകുമാരി ഗ്രൂപ്പിന്റെ സാമൂഹിക പ്രതിബദ്ധത കൂടി വെളിവാകുകയാണ് ഈ ഉദ്യമത്തിലൂടെ. തൊഴില് നഷ്ടപ്പെട്ടു തിരികെയെത്തുന്ന പ്രവാസികള്ക്ക് പുതിയ സ്ഥാപനത്തില് ജോലി നല്കുന്നതിലൂടെ അവരുടെ അതിജീവനത്തിനു താങ്ങായി മാറാന് രാജകുമാരി ഗ്രൂപ്പിനു കഴിയുന്നു.
മാറുന്ന കാലത്തോടൊപ്പം സത്യസന്ധത, സേവനതാല്പര്യം, ഗുണനിലാവരം, ജനങ്ങളില് നിന്ന് ഈടാക്കുന്ന മിതമായ വില എന്നിവയിലൊന്നും വിട്ടുവീഴ്ചയ്ക്ക് തയ്യാറാല്ലാത്ത നിലാപാടാണ് രാജകുമാരി ഗ്രൂപ്പിനെ ജനപ്രിയമാക്കിയത്.
